|| آخر لقانا ||
| آخر لقانا عبدالله العقيلي | ||
الليل يسري بين هم وكلايف والصبح يطلع والشقا فيه مخلوف اعيش مابين الرجا والحسايف والوقت له دورات وأيامي تطوف وتقول لي بالحب وش كنت شايف الهم.. والحرمان.. والجرح.. والخوف ماعاد لوجيه الليالي طرايف سرى النديم وجوني همومي ضيوف وانا وحزني والقصايد ولايف مكنتهم بالعقل والروح والجوف وقلطتهم وسط الضلوع النحايف واكرمتهم بأحلامي سمان وضعوف وعديت في عالي نبا كل نايف وجريت من صدري على سيرته اوووف وبيّحت سدّي والمدامع iiذرايف وكتبت من دمعي على اوراقي حروف اول لقانا بإبتسامة شفايف وآخر لقانا صدّ وأعذار وظروف البعد واقع واصبح الوصل زايف وصرت الغريب وهاجس الليل معروف ماقلت لك: قلبي من الحب عايف وتقول لي: جرب معي واترك الخوف شف غيرها ..والا اترك القلب خايف الوضع قدامك عن الحال مكشوف | ||
مرسلة بواسطة مشاعر إنسان في
3:23 م
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية