أجمل أعيادي

إهداء
إلى كل العشاق


أهنئني بك
.
.
.
ياأجمل أعيادي
أنتظرك كل عام
لأحتفل بك
.
.
.
وعندما تحين ليلتك
أرتب أشيائي
عطري الأصيل
ساعتي الثمينه
مسبحتي الجميله
تلك هي هداياك
.
.
.
وأنت ياأجمل هداياي
سأحتفل بك
بطريقتي الخاصه

وللشعر بحضرتك حضور

أجمل أعيادي  عبدالله العقيلي

كل ماعدّيـت لـي عـامٍ جديـد وادري  انك فيه عامٍ بعـد عـام يفرح  الخفّـاق والبهجـه تزيـد فرحة  الفـلاّح بأيـام iiالصـرام يعلم الله..شوفـة الغاليـن iiعيـد وأنت  عيد الفطر من بعد الصيام جيتني  رغبه..مثل ماابغى وأريد بالحـلال  ولارغبتـك بالحـرام دوج فيني..من وريد ليـا وريـد كل  عرقٍ  من عروقي لك مقـام إسكن  ضلوعي وحيدٍ في وحيـد في  خفوقي..غمّض  عيونك ونام لايهمك من قريـب ومـن بعيـد ارقـد آمن..لاتضيـم ولاتضـام وإن صحيت وزارك العيد السعيد قبـل  تبـدأ بالكـلام وبالسـلام أبشر بقلبي وروحـي والقصيـد والغلا  واصدق تعابيـر الكـلام جيت. أقدمها هديّـة يـوم عيـد ياهدايـاي الجميلـه كـل iiعـام

|| أبيــكـ ||

أبيك عبدالله العقيلي

قالت: الورد ..قلت: الورد له معنى قالت: أدري ...وقلت: الحب وش يعني قالت: الحب ..لحظة شوق تجمعنا قلت: من هو يقوله قالت : إسمعني من متى والمحبه عايشه iiمعنا قلت: حبك يبعثرني ويجمعني ضاع صوت الزحام وفي بعض ضعنا بين كلمة ..أبيــك.. وبين iiودّعني

|| آخر لقانا ||

آخر لقانا  عبدالله العقيلي

الليل    يسري    بين    هم    وكلايف والصبح   يطلع   والشقا   فيه  مخلوف اعيش     مابين    الرجا    iiوالحسايف والوقت   له   دورات   وأيامي  تطوف وتقول   لي  بالحب  وش  كنت  شايف الهم..  والحرمان..  والجرح.. والخوف ماعاد     لوجيه     الليالي     iiطرايف سرى  النديم  وجوني  همومي  ضيوف وانا     وحزني     والقصايد    ولايف مكنتهم    بالعقل    والروح    والجوف وقلطتهم    وسط    الضلوع    النحايف واكرمتهم   بأحلامي   سمان   وضعوف وعديت   في   عالي   نبا   كل   نايف وجريت من صدري على سيرته اوووف وبيّحت    سدّي    والمدامع    iiذرايف وكتبت  من  دمعي على اوراقي حروف اول      لقانا      بإبتسامة      شفايف وآخر   لقانا   صدّ   وأعذار   وظروف البعد   واقع   واصبح   الوصل  زايف وصرت  الغريب وهاجس الليل معروف ماقلت   لك:   قلبي  من  الحب  iiعايف وتقول  لي:  جرب معي واترك iiالخوف شف  غيرها  ..والا  اترك القلب خايف الوضع   قدامك   عن   الحال  مكشوف

||الصداقة والوفاء ||

قال لي صديقي:عندما تجزع من أمرٍ ما لابد لك من الصبر والصديق الصادق
ومرت الأيام وتوالت السنون وتتالت الظروف

فوجدت الصبر

ولكني

لم أجد صديقي


فصبرت

وإنتظرت وشائت الأقدار وإنزاحت الأكدار

وإنتهت حاجتي من الصبر

ورأيت صديقي الذي نصحني

وهوفي قمة الجزع

سألته

مالأمر

قال:أنه وجد الصديق وللأسف لم يجد الصبر

فوقفت بجانبه أربت على كتفه

وقلت:إذا أوجدت لي صديقاً صادقاً أهديتك الصبر

.

.

.

.

.

.

الثلاثاء، 8 سبتمبر 2009

||قصيدة بدون نقط||

ليـه جيتي عبدالله العقيلي ماحشمتي جيّة اللي جاك عاني وماعرفتي كيف تعطين وخذيتي قبل أجي لك ..كنت أسولف للأماني ويعلم الله كنت أعزك يوم جيتي بسّ ..رحتي والألم يعصف كياني ليت قبل أحكي ..سكتّي ماحكيتي إن جفيتك صرتي أقسى من زماني وإن بغيت أعاتبك مره iiبكيتي فيك طبع الضعف مع طبع الأناني ماعرفتك..مدري انتي وش بغيتي كان قصدك موتي..أبشرك جاني مات حلمي كان هذا اللي نويتي ضاعت أحلام النوارس iiوالمواني إفتقدتك ..مر عمري iiمارسيتي كل يوم أجلس وانا هذا مكاني وكل ماتقبل سفينة .. iiمالفيتي إيه..كنت أجلس هنا لأجلك وأعاني وإن تعبت..أجلس على ..شبّاك بيتي كنت أغني لك من آهاتي أغاني وكنت أفكر .. تذكريني أو نسيتي أذكرك والهم مامره نساني وأشتكي لك ..منك .. وأنتي مادريتي ليت ربي عن سكاكينك iiهداني ضعت بك ..ليتك عن الجرح إهتديتي يوم جيتي مابقى فيني معاني مات حلمي ياغريبه .. ليه جيتي

بدون نقط  عبدالله العقيلي

اسهرك   هم   المسـاء   واحرمـك   موالـك واسهـر   مدامعـك  ماطـالك  ولا  ســدّك دامك   علـى   ماحصـل  ماهمّـك  اهمالـك روّح مـــراح الـسـعـد والله مـــااردّك هـدام  الاحـلام  همّـك  مصـدر اهـوالـك وماحام    حول    الحمى   ساعد   على   هدّك لومسرح    الهم    ماحاول   علـى   اسدالـك للعـدّ حـدّ وعلـى حـدّك وصــل عــدّك ماعاد   اعدّ   الدهر  واسـأل  علـى  iiحالـك وادوّر   احلـى   الهـوى  واهـواك  iiواودّك واودع   وداع   الهـوى   للمـارد  الحـالـك واسأل   على   الود   واهلك  لاطرا  iiصـدّك ماعـاد  اعـدك  سـوى  هـمٍ  طلـع هالـك دام   الهوى  لـو  عطـى  ماطالـك  ومـدّك ماهو   على   حد   علمك  حالك  أولـى  لـك كـم  واحـدٍ  راح  كـمّ وكـمّ علـى حــدّك إسهر   مع   الدمـع  ساهـر  همـك  لحالـك واعلم   ـهموم   الهوى   وردٍ  علـى  عـدّك اسهرك   هم   المسـاء   واحرمـك   موالـك هـو   سـدك  الهـم  والا  عـاد  مـاسـدّك

|| جيتكـ ||

جـيـتكـ عبدالله العقيلي

جيتك ..عسى للقلب عندك معزة وأبيك تحشم جيته حشمة الضيف قبلك حشا مافيه مخلوق هزة إلا أنت ..هذ وأنت جيته مع الطيف اخذه ماأبيه ..من المعاليق iiجزه يفداك .. ياروح القلوب المواليف

|| الألم والمؤلم ||

أن نبكي على شيءٍ مضى

هذا هو الألم



ولكن



عندما نتوقف للبكاء ونستوقف الزمن



فهذا هو المؤلم

|| بــدايـــــة ||

السلام عليكم ورحمة الله وبركاته





نبتدئ معكم بإذن الله وعسى أن تكون هذه المدونة تليق بأذواقكم ورقيّكم


وأتمنى أن أوفّق في الطرح





دمتم بـ سـعادة